ఈ సందర్భంగా బీఆర్ఎస్ నాయకులు మాట్లాడుతూ ప్రజా సమస్యలపై ప్రభుత్వాన్ని ప్రశ్నించేందుకు, ప్రజల తరఫున తమ వాణిని శాసనసభలో వినిపించేందుకు వెళ్తున్న ప్రతిపక్ష ప్రజాప్రతినిధులను అడ్డుకోవడం, అరెస్టు చేయడం ప్రజాస్వామ్య విలువలకు విరుద్ధమని అన్నారు. అసెంబ్లీ గేటు వద్ద బీఆర్ఎస్ ఎమ్మెల్యేలు, ఎమ్మెల్సీలను పోలీసులు అడ్డుకోవడంతో ఉద్రిక్తత నెలకొన్నదని తెలిపారు.
ప్రజా సమస్యలపై ప్రశ్నించే గొంతులను అణచివేయడం సరికాదని, ప్రతిపక్ష ప్రజాప్రతినిధులకు శాసనసభలో తమ అభిప్రాయాలను స్వేచ్ఛగా వ్యక్తం చేసే అవకాశం కల్పించాలని డిమాండ్ చేశారు. ఎన్నికల సమయంలో కాంగ్రెస్ ప్రభుత్వం ఇచ్చిన హామీల అమలు, ప్రజల సమస్యల పరిష్కారంపై అసెంబ్లీలో ప్రశ్నిస్తుంటే బీఆర్ఎస్ ప్రజాప్రతినిధులను అరెస్టు చేయడం సరికాదని విమర్శించారు.
ప్రజా సమస్యల పరిష్కారం కోసం బీఆర్ఎస్ పార్టీ నిరంతరం ప్రజల పక్షాన పోరాడుతుందని, అవసరమైతే మరింత పెద్ద ఎత్తున ఉద్యమాలు చేపడతామని నాయకులు స్పష్టం చేశారు.
ధర్నాలో బీఆర్ఎస్ నాయకులు, కార్యకర్తలు, ప్రజాప్రతినిధులు, యువకులు, మహిళలు తదితరులు పాల్గొని ప్రభుత్వానికి వ్యతిరేకంగా నినాదాలు చేశారు.
Post a Comment