ఈ విజయం రాష్ట్ర పోలీసుల క్రమశిక్షణ, నిరంతర శ్రమకు నిదర్శనమని ముఖ్యమంత్రి పేర్కొన్నారు. తెలంగాణ సీఐడీ పర్యవేక్షణలో కొనసాగుతున్న క్రమబద్ధమైన శిక్షణ వల్లే ఈ స్థాయి విజయాలు సాధ్యమయ్యాయని ఆయన తెలిపారు. జాతీయ స్థాయిలో మరోసారి ప్రతిభ కనబరిచినందుకు డీజీపీ B. Shivadhar Reddy, సీఐడీ అదనపు డీజీ Charu Sinhaలను కూడా సీఎం ప్రత్యేకంగా అభినందించారు.
గత మూడు సంవత్సరాలుగా తెలంగాణ పోలీసుల విజయ పరంపర కొనసాగుతోంది. 2024లో Lucknowలో, 2025లో Ranchiలో జరిగిన పోటీలలో విజయం సాధించిన తెలంగాణ, తాజాగా 2026లో Nagpurలో నిర్వహించిన 69వ అఖిల భారత పోలీస్ డ్యూటీ మీట్లో కూడా ఓవరాల్ ఛాంపియన్గా నిలిచి హ్యాట్రిక్ పూర్తి చేసింది.
ఈసారి నాగ్పూర్లో జరిగిన పోటీల్లో తెలంగాణ ప్రతినిధి బృందం అద్భుత ప్రదర్శన కనబర్చింది. ఓవరాల్ ఛాంపియన్ ట్రోఫీతో పాటు యాంటీ-సాబోటేజ్ చెక్, వీడియోగ్రఫీ, కంప్యూటర్ అవేర్నెస్ విభాగాల్లో విజేతగా నిలిచింది. అలాగే శాస్త్రీయ దర్యాప్తు సహాయాలు, పోలీస్ ఫోటోగ్రఫీ విభాగాల్లో రన్నరప్ స్థానాలను సాధించింది.
ఈ ఘన విజయంతో తెలంగాణ పోలీసులు దేశవ్యాప్తంగా మరోసారి తమ ప్రతిభను చాటుకున్నారు.
Post a Comment