భూపాలపల్లి నియోజకవర్గంలోని శాయంపేట మండల కేంద్రంలో ప్రభుత్వ ఆధ్వర్యంలో ఏర్పాటు చేసిన మొక్కజొన్న కొనుగోలు కేంద్రాన్ని ఎమ్మెల్యే Gandra Satyanarayana Rao మంగళవారం ప్రారంభించారు. ప్రభుత్వ జూనియర్ కళాశాల ఆవరణలో మార్క్ఫెడ్ సహకారంతో, ప్రాథమిక వ్యవసాయ సహకార సంఘం ఆధ్వర్యంలో ఈ కొనుగోలు కేంద్రం ప్రారంభమైంది.
ఈ సందర్భంగా ఎమ్మెల్యే మాట్లాడుతూ, రైతులు తమ పంటలను మధ్యవర్తులకు అమ్మకుండా ప్రభుత్వం ఏర్పాటు చేసిన కొనుగోలు కేంద్రాల్లోనే విక్రయించుకోవాలని సూచించారు. ప్రభుత్వ కొనుగోలు కేంద్రాల ద్వారా రైతులకు న్యాయమైన ధర లభిస్తుందని, మధ్యవర్తుల ప్రభావం తగ్గి రైతుల ఆదాయం పెరుగుతుందని తెలిపారు.
ప్రభుత్వం రైతులకు అనుకూలంగా పలు సౌకర్యాలు కల్పిస్తోందని, వాటిని రైతులు సద్వినియోగం చేసుకోవాలని ఎమ్మెల్యే పిలుపునిచ్చారు. కొనుగోలు కేంద్రాల ద్వారా రైతులకు పారదర్శక విధానంలో ధరలు అందేలా చర్యలు తీసుకుంటున్నామని పేర్కొన్నారు.
ఈ కార్యక్రమంలో మార్క్ఫెడ్ అధికారులు, వ్యవసాయ మార్కెట్ కమిటీ వైస్ చైర్మన్ మారపల్లి రవీందర్, స్థానిక సర్పంచ్ చింతల ఉమ రవిపాల్, కాంగ్రెస్ పార్టీ నాయకులు దూదిపాల బుచ్చిరెడ్డి తదితరులు పాల్గొన్నారు.
Post a Comment