ఆహార భద్రత కార్డు కేవలం రేషన్ సరుకుల కోసమే కాకుండా పలు ప్రభుత్వ సంక్షేమ పథకాలకు కీలకమైన ఆధారంగా ఉంది. అలాంటి కార్డుల్లోనే గ్రామం పేరు, పిన్‌కోడ్‌ వంటి ప్రాథమిక వివరాలు తప్పుగా ముద్రించడంపై లబ్ధిదారులు మండిపడుతున్నారు. వివరాలను సరిచూసుకోకుండా కార్డులను ఎలా ముద్రించి పంపిణీ చేస్తారని ప్రశ్నిస్తున్నారు. డిజిటల్‌ కార్డుల పేరుతో కొత్త సమస్యలు సృష్టిస్తున్నారని ఆవేదన వ్యక్తం చేస్తున్నారు.
కార్డుల్లో తప్పుల వల్ల భవిష్యత్తులో సంక్షేమ పథకాల లబ్ధి పొందే సమయంలో ఇబ్బందులు ఎదురవుతాయేమోనని లబ్ధిదారులు ఆందోళన చెందుతున్నారు. గ్రామం పేరు, పిన్‌కోడ్‌ సరిగా లేని కార్డులను సవరించి తిరిగి అందించాలని . సంబంధిత అధికారులు క్షేత్రస్థాయిలో పరిశీలించి లోపాలను గుర్తించి, సరిచేసే చర్యలు చేపట్టాలని ప్రజలు కోరుతున్నారు.
Post a Comment