తెలంగాణలోని మహబూబ్నగర్ డిప్యూటీ ట్రాన్స్పోర్ట్ కమిషనర్ కిషన్ నాయక్ నివాసంలో ఏసీబీ అధికారులు సోదాలు నిర్వహిస్తున్నారు. ఆదాయానికి మించి ఆస్తులు కలిగి ఉన్నారనే ఆరోపణలతో ఇటీవల కిషన్ నాయక్పై కేసు నమోదు చేసిన ఏసీబీ, ఈ నేపథ్యంలో విస్తృత స్థాయిలో తనిఖీలు చేపట్టింది.ప్రాథమిక సమాచారం ప్రకారం, కిషన్ నాయక్కు రూ.100 కోట్లకు పైగా అక్రమ ఆస్తులు ఉన్నట్లు ఏసీబీ అధికారులు అనుమానిస్తున్నారు. ఈ క్రమంలో ఆయన నివాసంతో పాటు బంధువులు, స్నేహితులకు చెందిన ఇళ్లలో కూడా సోదాలు కొనసాగుతున్నాయి. మొత్తం 12 ప్రాంతాల్లో ఒకేసారి తనిఖీలు చేపట్టినట్లు అధికారులు వెల్లడించారు.సోదాల సందర్భంగా కీలక పత్రాలు, నగదు, విలువైన వస్తువులపై ఏసీబీ దృష్టి సారించింది. ప్రస్తుతం సోదాలు కొనసాగుతుండటంతో పూర్తి వివరాలు వెలుగులోకి రావాల్సి ఉంది. ఏసీబీ విచారణ పూర్తయ్యాక మరిన్ని విషయాలు వెల్లడయ్యే అవకాశం ఉంది.
Post a Comment