అనంతరం బ్యాటింగ్‌కు దిగిన టీమిండియాకు ఆదిలోనే ఎదురుదెబ్బ తగిలింది. 107 పరుగులకే మూడు వికెట్లు కోల్పోయి కష్టాల్లో పడింది. ఆ దశలో కేఎల్ రాహుల్ , రిషభ్ పంత్ నాలుగో వికెట్‌కు 141 పరుగులు జోడించారు. మరో సెంచరీ చేసేలా కనిపించిన రిషభ్ పంత్ లేని రెండో పరుగు కోసం ప్రయత్నించి రనౌట్ అయ్యాడు. దీంతో అంపైర్లు లంచ్ బ్రేక్ ఇచ్చారు. లంచ్ సమయానికి భారత్ 4 వికెట్లు కోల్పోయి 248 పరుగులు చేసింది. ఇంగ్లండ్ స్కోరుకు మరో 139 పరుగులు వెనుకబడి ఉంది. ఇంకా నితీష్ కుమార్ రెడ్డి, రవీంద్ర జడేజా, వాషింగ్టన్ సుందర్ వంటి బ్యాటర్లు క్రీజులోకా రావాల్సి ఉంది. ఈ నేపథ్యంలో తొలి ఇన్నింగ్స్‌లో వీలైనన్ని ఎక్కువ పరుగులు చేసి మ్యాచ్‌పై పట్టు బిగించాలని టీమిండియా కృత నిశ్చయంతో ఉంది.ఐదు టెస్ట్ మ్యాచ్‌ల సిరీస్‌లో ఇంగ్లండ్, భారత్ ఒక్కో విజయం సాధించి 1-1తో సమంగా ఉన్నాయి.ప్రస్తుత టెస్ట్ మ్యాచ్‌లో గెలిచే జట్టు ఆధిక్యంలోకి దూసుకెళ్తుంది.
Post a Comment