ప్రభుత్వ అనుమతులు లేకుండానే కొందరు వ్యక్తులు రాత్రివేళల్లో భారీ యంత్రాలతో మొరం తవ్వకాలు నిర్వహిస్తున్నట్లు గ్రామస్తులు చెబుతున్నారు. ట్రాక్టర్లు, టిప్పర్లు నిరంతరం సంచరిస్తుండడంతో గ్రామీణ రహదారులు దెబ్బతింటున్నాయి. చెరువుల పరిసర ప్రాంతాల్లో తవ్వకాలు జరగడంతో భూగర్భ జలాలపై ప్రభావం పడే అవకాశం ఉందని రైతులు ఆవేదన వ్యక్తం చేస్తున్నారు.
మొరం దందా కారణంగా పర్యావరణానికి నష్టం కలుగుతోందని, వర్షాకాలంలో గుంటలు ప్రమాదాలకు దారి తీసే పరిస్థితి ఉందని గ్రామ పెద్దలు పేర్కొన్నారు. గుట్టల వద్ద అక్రమ తవ్వకాల వల్ల నేలచరియలు సంభవించే ప్రమాదం ఉందని వారు హెచ్చరించారు.
ఈ వ్యవహారంపై సంబంధిత శాఖాధికారులు వెంటనే స్పందించి అక్రమ తవ్వకాలపై కఠిన చర్యలు తీసుకోవాలని ప్రజలు కోరుతున్నారు. మొరం దందాను అరికట్టేందుకు నిరంతర తనిఖీలు నిర్వహించి బాధ్యులపై కేసులు నమోదు చేయాలని డిమాండ్ చేస్తున్నారు.
మండలంలో జరుగుతున్న ఈ అక్రమ కార్యకలాపాలపై అధికారులు ఎలా స్పందిస్తారన్నది ప్రస్తుతం చర్చనీయాంశంగా మారింది.
Post a Comment