పోలీసు కమిషనర్ సన్ ప్రీత్ సింగ్ ఆదేశాల మేరకు, టాస్క్ఫోర్స్ ఏసీపీ మధుసూదన్ ఆధ్వర్యంలో ఇన్స్పెక్టర్ సార్ల రాజు సిబ్బంది ఈ దాడులు నిర్వహించారు. కింగ్స్టన్ నిర్వహిస్తున్న తయారీ మరియు డిస్ట్రిబ్యూషన్ గోదాంలో తనిఖీలు చేపట్టి, అమ్మకానికి సిద్ధంగా ఉంచిన సుమారు 16 రకాల ఆహార ఉత్పత్తులను గుర్తించారు.
ఇవిలో స్వీట్స్, ఖారా, మురుకులు, లాలిపాప్స్, మాంగో ఫ్రూటీ, కాజా వంటి పలు పదార్థాలు ఉండగా, వీటి మొత్తం విలువ సుమారు రూ.1,06,940గా అంచనా వేశారు. ఈ ఉత్పత్తులు గడువు ముగిసినవి, పాడైనవిగా గుర్తించి స్వాధీనం చేసుకున్నారు.
కంపెనీ యజమాని కింగ్స్టన్ (60), కాశీబుగ్గ, వరంగల్ నివాసి, ను స్వాధీనం చేసిన వస్తువులతో పాటు తదుపరి చర్యల కోసం ఫుడ్ సేఫ్టీ ఆఫీసర్ క్రిష్ణమూర్తికి అప్పగించారు.
ఈ సందర్భంగా పోలీసు అధికారులు హెచ్చరిస్తూ, ఆహార భద్రత ప్రమాణాలు పాటించకుండా అపరిశుభ్రంగా, కాలం చెల్లిన ఆహార పదార్థాలను విక్రయించే వ్యాపారులపై కఠిన చర్యలు తప్పవని తెలిపారు. ఫుడ్ సేఫ్టీ అండ్ స్టాండర్డ్స్ యాక్ట్-2006 మరియు సంబంధిత నిబంధనల ప్రకారం ఉల్లంఘనలు చేసిన వారిపై చట్టపరమైన చర్యలు తీసుకుంటామని స్పష్టం చేశారు.
ఈ దాడుల్లో టాస్క్ఫోర్స్ ఇన్స్పెక్టర్ సార్ల రాజు, ఆర్ఎస్ఐ భాను ప్రకాశ్, ఫుడ్ సేఫ్టీ ఆఫీసర్ క్రిష్ణమూర్తి మరియు సిబ్బంది పాల్గొన్నారు.
Post a Comment